呢單意外可謂有今生無來世，要點樣跌低先可以夾喺電車嘅凳底呢？難度應該可以同奧運跳水動作比較，而且仲要花大量人力物力救出嚟，真喺值得上新聞。
喺8月1日下午2時4分，山手線內回一列電車駛到濱松駅嘅時候，車長收到乘客嘅緊急聯絡，指1號車嘅車內有男性倒下。當車長去確認嘅時候，發現有一位成年男性面朝下嘅方式倒下，而上半身更加喺夾喺座位下嘅暖爐同地板之間（注：日本為應付冬天嚴寒，一般車廂都備有暖爐）。消防局亦都有派人嚟加入救助活動，大約花咗一個鐘先救到出嚟。除咗發現當事人喺醉酒之外，無任何外傷。而呢一個鐘令到山手線內回方向暫停，影響約1萬7千人。
由JR東日本東京支社同東京消防廳指出，暖爐同地板之間約15厘米。而當事人年約50歲，原本喺車內站立，但喺喺電車停止嘅一刻失平衡跌到，頭部不幸滑入暖爐同地板之間。為咗救出當事人，只好將座位一部分解體將暖爐拎走先，所以電車就要停駛。
撰文：Oliver Fong
