踏入八月天氣越嚟越熱，除咗人要避暑之外動物都要。一齊嚟睇吓日本嘅牛舍，點樣喺呢個特別炎夏嘅夏天保護佢哋嘅牛牛唔會被太陽熱親喇！
乳牛對於溫度好敏感，每逢夏天牛乳嘅生產量都有減少嘅傾向。由於地球溫暖化嘅影響，喺十勝最高溫度超過30度嘅日子越來越不罕有。喺日本上士幌町内嘅酪農DreamHill就選擇咗喺牛舍入面人工製霧，將牛舍內嘅溫度下降。
噴霧裝置將水加入壓力，令水可以透過霧的形式散佈到環境。喺牛舍只要因應氣溫同濕度設定自動開啟，再配合原本已經有嘅吹風機就可以向整個牛舍送上冷風。結果顯示牛舍嘅溫度會比外面低約5度，已經足夠令牛生活喺一個舒適嘅環境。
一般嚟講大多數嚴嘅酪農都選擇安裝吹風機嚟降溫，噴霧裝置就比較少。乳牛喺高溫之下會感到壓力，食欲會降低，生產嘅牛乳量當然會隨之而下降。所以選擇用咩方法去服侍牛隻都喺酪農好重要嘅一環，隨著技術進步未來牛舍嘅環境應該會更好吧！
撰文：Oliver Fong
