小丸子、小新同大雄爸媽拍拖好浪漫吖！不過，花老爺娶花師奶竟然係呢個原因？！
#櫻桃小丸子爸媽
櫻桃小丸子既爸爸、媽媽係喺朋友既Party上認識對方，櫻廣志果陣覺得小林瑾好溫柔，就展開追求。
小丸子爸爸係個暖男嚟㗎，有一次佢地拍拖約會，小林瑾唔小心踩中咗狗屎，櫻廣志即刻幫小林瑾抹乾淨對鞋，唔怪之得俘虜咗小丸子媽媽個心喇！
#蠟筆小新爸媽
蠟筆小新的媽媽美冴喺21歲果陣認識27歲既廣志，當時美冴係OL嚟㗎，因為喺街度唔小心跌低手巾仔，廣志幫手執返，自此兩人一見鍾情！
#大雄爸媽
大雄既爸媽係姐弟戀，媽媽野比玉子比爸爸野比大助大2歲，兩個人學生時代就認識，有一次玉子跌低左車票，大助借住還票比玉子展開追求！
原來當時大雄媽媽除低眼鏡都好靚女㗎。
#阿柑爸媽
Um...至於阿柑媽媽花師奶嘛～戀愛故事就冇咁浪漫喇！花老爺娶佢竟然係因為「樂於助人」喎！？
不過，愛情呢家嘢係細水長流嘅～睇到花老爺宜家仲咁貼心幫花師奶按摩隻腳，就知佢地好愛對方喇！
撰文：鋼牙真漢子
