喺內地浙江有一位男孩，細細個就被確診患有輕度自閉症，但估唔到意外地發現佢有瑜伽潛能，到六歲果陣已經成為咗一位瑜伽教練，累計收入仲已經超過五十萬人民幣。
孫楚洋出身喺一個富裕家庭，父母因為工作繁忙，所以喺佢兩歲果陣就將交托比老師。老師同佢講，孫楚洋好內向，平時成日都自己一個玩，所以就帶佢去睇醫生，結果發現佢有輕度自閉症。
得知消息後，父母都感到好內疚。媽媽決定暫停自己嘅服裝店生意，全心全意咁照顧返個仔，希望可以重新走入個仔嘅內心世界，所以決定帶佢去上親子瑜伽。
令大家意外嘅係原來楚洋超有瑜伽天份，一堂已經記低哂所有嘅招式，而且完成度仲好高。就係咁，佢媽媽就決定同佢一齊上堂。經過兩年練習，楚洋變得活潑開朗，亦都慢慢走出自閉。佢更於 2016 年通過全國職業人才認證中心考評委員會測試，獲註冊少兒瑜伽教練資格證書，以 6 歲之齡成為全國最年輕嘅持牌瑜伽教練。
而家楚洋已經係100位學生嘅老師，仲成日受邀做電視節目嘉賓添！
圖片來源：世界最小瑜伽教练孙楚洋_麦克
撰文：Yanica
