【營業12年】濟州島「無人咖啡館」 想比幾多就比幾多

喺世界各地，成日都聽到有唔少人開良心餐廳，比客人自己決定比幾多錢，可惜最後大部份都失敗收場。但喺韓國濟州島有一間無人咖啡館，竟然可以屹立不倒12年，靠嘅就係一班有自覺性嘅客人。
youtubeyoutube

依間咖啡廳叫「五月的花」，24小時都唔會上鎖，歡迎客人隨意入去。店內都無店長店員，客人想飲啲咩就自己去沖，之後自己清洗返餐具，離開時想比幾多錢就幾多錢，完全係憑自己心意。youtubeyoutubeyoutube

65歲店主李炳形表示，自己係一個好中意去旅行嘅人，記得自己有次去旅行想飲一杯咖啡，但可惜身上無錢，果陣佢就覺得如果有一間咖啡館可以提供一杯免費咖啡，可以等下次再去比返就好，就係因為依個念頭，返到韓國後佢就開咗「五月的花」。youtubeyoutubeyoutube

雖然仲係有唔少唔比錢嘅客人，但佢都完全無放喺心上，佢覺得人地可能係因為無錢，想下次過嚟比返。就係因為佢Keep住依個正面嘅唸法，先令到咖啡廳可以繼續營運落去。

資料來源：一条YIT

圖片來源：youtube截圖

撰文：Yanica