「今日我要教大家成為一個YouTuber。」Ben哥呢段教大家做YouTuber影片，相信大家都一定有睇過。當你笑Ben哥嘅同時，其實Ben哥反映咗好多年輕一代想透過自製影片，成為YouTuber唯生嘅想法，小編仲見過有小學生我的志願係做YouTuber。
要喺YouTube生存，YouTube合作夥伴計劃(YouTube Partner Program)你一定要清楚。透過呢個計劃，大家製作嘅影片先可以啟用營利功能，同YouTube做廣告分紅，甚至開收費節目，幫各YouTuber帶來收入。試想想，如果冇收入，又會唔會有咁多人投資時間，心機同精力去拍攝咁多影片俾大家睇﹖
不過最近Logan Paul自殺森林事件，令到YouTube爭議頻生，Google為咗提升YouTube上面影片質素，推出左一個新條款。
「自 2018 年 1 月 16 日起，我們將實施新的 YouTube 合作夥伴計劃資格規定。只要頻道在過去 12 個月的累計觀看時數達到 4,000 小時且訂閱人數超過 1,000 人，我們就會審核該頻道是否符合加入本計劃的資格。」
YouTube官方網頁寫明新條款係為左防止一部分人嘅劣質行為，影響到其他以YouTube唯生嘅創作者。
不過新條款一出，好多網民都擔心呢條新條款會嚇怕之後想加入YouTube嘅創作者，亦怕小型YouTuber唔再做創作。
不過其實新條款下要達標都唔係話太難，小編就覺得呢個可能成為創作者嘅一個目標，製作更好嘅影片。
撰文: JJ Wong
