泰航日前發出公告，由今個月開始，旗下波音787-9夢幻客機商務艙，禁止腰圍超過56寸嘅人乘搭，引起市場譁然。
個公告指出，腰圍超過56吋的人士，唔可以搭乘台北曼谷同埋曼谷紐西蘭奧克蘭航線嘅商務艙，而腰圍超過56寸嘅孕婦同埋手抱嬰兒同樣禁止。
公告發出後，引起社會各界人士討伐，有人認為泰航公然歧視肥胖人士。不過泰國國際航空飛行部門主管Pratthana Pattanasirim就表示，其實一切都係基於安全考量，因為根據美國聯邦航空總署（FAA）最新規定，波音787-9型客機商務艙安裝最新型嘅安全氣囊同安全帶，但安全帶無法加長使用，為咗安全，唯有限制腰圍超過限制嘅人士。
不過泰航暫時只有2架波音787-9夢幻客機，所以都唔會有好多人受影響。
圖片來源：coconuts、airliners、SHUTTERSTOCK
撰文：Yanica
