韓國戲劇入面，好多都會有監獄嘅埸面，例如《七號房的禮物》、《Signal》同埋《江南1970》，其實裡面好多埸面同係喺同一個地方都拍嘅。佢就係韓國最出名嘅外景埸地——益山教導所攝影基地（익산 교도소세트장）！ 
益山教導所攝影基地全州附近嘅益山市，佢並唔係一個真正嘅監獄，係一個專為拍攝而設嘅場地，而且唔單止可以用嚟拍攝，仲有監獄體驗活動，比一般民眾了解監獄內部運作，同埋仲可以著服刑者嘅衫，體驗一下做犯人係咩感覺！
好多韓國人都會特登去朝聖，影低好多搞笑嘅相。雖然佢唔係一個真係嘅監獄，但佢仍然保有監獄嘅莊嚴，周圍不時貼有含有教化意味嘅字條。
益山教導所每星期一休息，如果有劇組拍戲都係唔開，去之前記得打個電話問下先！
圖片來源：hanxbi_、k1004.eh、duck_eej、tt.g0d、__luvseng、___ku_0、___yun.ej @ instagram
撰文：Yanica
