運動風潮持續咗好幾季，好多大牌都唔再只係推出高踭鞋，開始設計更多時尚又百搭波鞋。只要穿搭得宜，就算著波鞋都可以打造女性化造型！
時裝界主流近年回歸舒適，明星、街拍潮人腳上再唔係「好睇唔好著」嘅高踭鞋，而係大家日常穿搭中經常會著嘅波鞋。到底
波鞋 + 長裙
長裙俾人嘅感覺係優雅有氣質，如果唔想造型顯得過於性感或可愛，著上波鞋可以為一身造型注入中性元素。
▲ 當黑色Coneverse 配上淺藍色長裙時，顯得一身造型休閒又型格，完美打造度假feel！
▲ 街頭休閒鞋品牌Vans 向來都充滿中性氣息，藍色Vans 搭配女性化嘅白色過膝長裙效果出奇地相當襯！而手上嘅橙色手袋更加係點亮一身造型，為造型增添淘氣爽朗色彩。
▲ 如果身穿蕾絲、碎花等元素時，白色波鞋可以為造型增添清爽感，同時可避免太艷俗。
波鞋 + 短裙
短裙配波鞋一定係perfect match啦，造型girly之餘又帶有活潑易相處嘅感覺！
▲ 如果想比到人莊重斯文嘅感覺，單色搭配會令到波鞋過於太突出，而且配搭裙身較窄身嘅Pencil Skirt，可以將身體線條表露無遺。
▲ Oversize圓領衛衣配短裙本身就充滿趣味，再襯埋白色波鞋，一身造型充滿慵懶氣質同時間又不失帥氣！
▲ 以白色波鞋搭配較為花巧嘅短裙，避免眼花缭亂，增添清爽感。
圖片來源：Internet
撰文：Amber
