情侶衫、情侶飾物、情侶Icon，已經係「放閃」嘅基本!如果你想走另類嘅放閃，其實手機殼都可以隱約滲透出低調浪漫，小編精選咗3種不同風格嘅手機殼，快啲同男朋友一齊換上，靜雞雞宣示你嘅主權喇! (按圖是淘寶連結)
1. 經典電影系列
▲ Vincent & Mia 《危險人物》手機殼
黑色幽默電影《危險人物》，入面最經典一幕首選一定係Mia同Vincent嘅跳舞情節。同男朋友一人一個，襯到絕啊!
▲ Leon & Matilda 《這個殺手不太冷》手機殼 (左圖款) (右圖款)
冷酷殺手Leon遇上12歲超成熟嘅Mathilda，最後發展出一段純愛關係令唔少觀眾一直念念不忘。兩款簡約嘅手機殼，仲有用槍指住蘋果嘅設計，認真幾得意!
▲ 金城武 & 菠蘿 《重慶森林》手機殼
「我開始懷疑，在這個世界上，還有什麼東西是不會過期的？」被遺棄嘅人同過期嘅菠蘿罐頭，其實無咩分別，但到底電影入面嘅阿May有幾唔識貨，先會同金城武分手?
2. 簡約文藝系列
▼ 簡約嘅幾何或者雲石紋理，隱約地流露出放閃嘅效果，以下四款又有無岩心水嘅呢?
3. 玩味系列
▼ 如果唔鐘意文青文藝風格，或者趣緻嘅玩味風格都可以帶來另類合襯!
▲ 小西瓜與小西瓜，超得意嘅情侶機殼設計~
▲ 或者係浩瀚宇宙中，兩個小太空人就好似你地咁係茫茫人海中相遇。
▲ 設計皺皺嘅汽水罐，搞鬼得來又創意~
▲又或者係復古Gameboy手機殼，一人一部拎出街~
圖片來源：taobao.com
撰文：陽光小毒毒
