時裝週對於時裝界嚟講就好似一年一度嘅奧運一樣，不論係紐約定巴黎，倫敦定首爾，場內場外都一定能夠感受濃烈嘅氣氛。喺倫敦時裝週嘅街頭上，見到一個個型男潮女，真係唔知佢係模特兒定設計師，淨係知道每個人都好有風格，絕對唔似得香港，十個有十個都係韓國人咁嘅樣！
剪裁較挺身嘅服飾俾人感覺較formal，整番個half bun就即刻smart晒～
全身紅噹噹？只要剪裁同長度配合番，襯番個層次感出嚟，即刻老土變有型！
香檳金色嘅鞋同玫瑰金色嘅accessories點綴以白色為主嘅造型，唔想太plain太單調，拎番個粉紅嘴唇clutch即刻活潑晒！
完美演繹出牛記嘅多樣性，高腰窄腳加對尖頭露腳背嘅flat，令腳部睇起嚟好修長。
白底navy blue print嘅one piece，背部嘅亮點加長絲帶令人感覺好lady，加番對chunky boots即刻剛柔並重。
全身都冇全何花紋或者鮮艷嘅顏色，加上高跟涼鞋線條簡單，視覺上成個人感覺好修長。
Nude色knitwear加內裡不規則白色長裙，非常之咁懶洋洋，襯一對黑色boot加個黑色bag，唔講以為係SPORTMAX今季新款。
全身只有四隻顏色：黑、白、紅、金，而且服飾同飾物都條紋分明，乾淨俐落。
白tee牛記加converse絕對人人都carry到，永冇失手！
鮮黃色加豹紋真係唔係人人啱著，加番件長身黑色cardigans，札個高髻，一啲老土味都冇！
白色雪紡one piece襯番對白波鞋，加少許metalic元素，感覺清新又時尚。
資料及圖片來源：IMAXTREE
撰文：Elefante
