女士們衣櫃有好多靚衫，但無論件衫幾靚都好，如果唔瞭解自己身形嘅優點、缺點，唔識得配搭，都唔會著得好睇！以下6個配搭小貼士要謹記喇！
#1 臀部比較大嘅女仔，即使好鐘意格仔pattern，都應該避免著格仔裙。格仔裙容易令下半身顯闊。即使好想著，儘量揀格仔細D嘅Pattern，最好著暗色/淨色嘅裙。
#2 鐘意條紋Pattern衫褲嘅姐妹，要知著平衡條紋容易顯肥/顯壯。想著條紋Pattern同時睇落苗條，可以選擇直線條紋。著褲的話，不妨買短身少少嘅衫配搭，會顯得高D㗎！
#3 著摺邊Cutting嘅衫要好小心，好容易令人睇落肥幾個圈（除非妳好瘦喇）。有肉地嘅女仔儘量著垂直cutting/有拉鍊嘅衫褲，睇落會修身D！
#4 花花裙睇落好青春活潑，但唔係人人都Carry到㗎！花花裙容易顯肥、變「Leung」，唔高嘅女仔著boot，睇落會又矮又肥！不妨揀一D開縫嘅衫、裙，呢類型顯瘦。
#5 橫摺嘅衫同平衡條紋嘅裙會顯肥（上文提過），一套淨色連身裙加淨色belt，會顯得又高又瘦！
#6 寬鬆形嘅上身，就唔好配搭寬鬆形嘅下身，否則會成個水桶咁，完全唔修身！換一條窄身褲配搭寬鬆上身，線條即刻出曬！
掌握呢6個著衫唔可以犯嘅基本步，就可以present出體型同件衫嘅美感喇！
