好多貓奴、狗奴都鐘意將自己心愛嘅寵物做成匙扣或印上水杯、咕臣等等，等佢地可以無時無刻都見到自己心愛嘅寵物。但係如果可以將佢地掛上身，又可以保暖，係咪仲窩心呢？姊姊花設計師Celina和 Maja Debowska就好體貼咁設計咗一系列嘅動物毛氈頸巾，採用100％羊毛，全手工製作，有狐狸、天鵝、兔子、貓咪和狗仔等等，像真度極高！仲歡迎大家將寵物相sent到Etsy訂製。咁啱冬天又就到，各位姊妹們係時候趕緊訂製一條，無論自用又或者當聖誕禮物都係唔錯嘅選擇呢！
動物頸巾像真度極高！
設計師會特別留意動物嘅鼻子和耳朵，以及獨特嘅細節。
看這貓咪真係超治癒呀！小編都好想要一條。
頸巾有唔同尺碼及顏色可選擇。
訂製頸巾需約4-6 星期完成。
臘腸狗都係根據客人嘅照片訂製架！
天鵝造型簡直像高訂時裝嘅配搭！
頸巾附有特製夾子，可隨意將佢圍繞或緊貼喺頸部。
圖片及資料來源：www.etsy.com
撰文：Irene Leung
