平時名人明星著嘅靚衫，郁下都幾萬，勁離地，小編呢啲平民百性又點著得起><。
所以真係要多謝英國人決定脫歐，英鎊係咁跌，最低仲見過9算！喺呢個時候梗係吼實啲平、靚、正嘅英倫時裝啦！
小編今次要推介2個中價英國時裝品牌，等大家可以用貼地價買名人明星都撐嘅靚衫。呢啲機會唔係成日有，係時候入番幾件看門口！唔使親自去買架，英國時裝網店ASOS係全球免運費嘅，用英鎊結算就仲抵！部份貨品而家做緊減價添，最平幾百蚊港紙就有交易，真係有買趁早喇！同大家介紹住網店兩個有名嘅品牌先。
Needle & Thread
呢個英牌近日人氣超高，先後獲黎姿、郭可盈、吳佩慈、胡杏兒、小紅姐等女星垂青。品牌出晒名釘工精緻，加埋珠片、刺繡等裝飾，夠晒優雅、浪漫。仲有啲係手工釘珠款式，非常之咁高貴。上身衫只係賣緊千零蚊，而連身裙都只係賣$2-4千，真係超值架！
▲品牌出名釘工精緻，凸顯高貴氣質。
▲黎姿著嘅款式，上身係精緻嘅花卉刺繡背心，配上輕盈飄逸嘅裙襬，散發陣陣仙氣。刺繡背心約 $1,195，紗裙約 $1,065
▲吳佩慈穿上長袖刺繡連身裙，貴氣又優雅。
▲郭可盈所穿嘅花花珠片刺繡薄紗短裙，折合港幣2千幾，超值！
▲胡杏兒連環著Needle & Thread白色喱士釘珠裙及黑色刺繡長裙，睇黎好鍾意呢個品牌。
▲新款由$1600-$3000不等。
Self-Portrait
另一個勁多星著過的英國品牌，主打縷空通花喱士，用唔同喱士組合拼貼嘅設計，時尚得嚟又有少少性感。佢地嘅喱士連身裙就最吸引中外名人明星捧場，美國第一夫人米歇爾、賭王千金何超蓮、千億新抱徐子淇都係佢擁躉。連吳千語、蔡卓妍、周迅、楊丞林、郭采潔等都有著過。重點係佢嘅價錢，只係二、三千蚊起跳咋。
▲主打縷空通花喱士，設計時尚優雅。
▲超模Miranda Kerr著過。
▲SaSa穿出少女味道。
▲楊丞林都係佢fans。
▲連賭王千金何超蓮都有著。
▲熊黛林著上Self-Portrait白色通花長裙與郭可頌簽紙結婚。
▲新返款式由$2000-$4000不等。
圖片來源：ASOS官網 / Instagram
撰文：Irene Leung
