每年冬天都好想買啲又可以保暖，外表又好靚嘅外套，今次迪士尼同 Secret Honey聯名系列就啱晒大家喇～
今次嘅外套主要分兩個系列，首先就係以迪士尼電影《小鹿斑比》中嘅兔仔情侶桑普同邦妮為原型嘅兔耳外套。有灰色同奶油兩隻色，兩隻都係好易襯衫嘅顏色～
除咗有毛毛邊，連第一粒鈕都係毛球嚟架～外套後面仲有粒毛球尾巴，可愛度爆表啊！
就咁睇外面都覺得靚，但原來內有乾坤架！外套入面印咗小鹿斑比、兔仔桑普、賓妮兔同臭鼬小花嘅圖案，真係內外都咁靚啊！
如果嫌呢款太可愛，就可以揀上年熱賣嘅《冰雪奇緣》款！
除咗毛毛邊，成個袖口同披肩都有刺繡，披肩下面仲有流蘇，真係超靚啊！
有安娜就梗係有埋艾莎喇，冰藍色嘅外套好似真係置身冰天雪地之中啊！
留意返，呢兩款個披肩都可以拆，但小編就覺得有披肩靚啲～
《小鹿斑比》款賣緊28000日元加稅；而《冰雪奇緣》款就賣29000日元加稅，即係大概2000港幣。雖然貴就貴咗啲，但呢啲外套最少都可以著幾年，除返開都可接受啊！
圖片及資料來源：樂天市場
撰者:Kinnie
