日本東京一間叫Piala Inc嘅公司9月推出咗個新政策，就係非吸煙員工可以多6日年假。公司解釋呢6日係補償返平時非吸煙員工無得放嘅煙break。
呢間公司位於大廈嘅29樓，由於office入面唔可以食煙，所以食煙嘅員工每次都要特登落樓下食，預計每次來回計埋食煙都要15分鐘。
上年其中一個非吸煙員工就向公司高層反映，認為其他員工可以成日放煙break對佢哋唔公平。公司CEO聽完都同意呢位員工睇法，所以就決定每年俾多6日假非吸煙員工作補償。
CEO Takao Asuka話佢希望用年假去鼓勵員工戒煙，多過用罰則或者規矩強逼員工唔再食煙。
公司120名員工入面最少30個員工可以多6日年假，亦都有最少4名員工已經因為呢個政策而決定戒煙。
網民對於呢個政策意見不一，有人同意非吸煙員工應該有多啲假期做補償。
但亦有人認為咁係對吸煙員工唔公平～
唔知大家又點睇呢?
資料來源：BoredPanda
撰者：Kinnie
