法國十月一日起通過新條例，規定所有商業用嘅廣告都要加上標語，"Photographie retouchée" 意係即係指執過相。否則會被罰款37,500歐羅或者廣告製作費嘅三成。但條例只規定執過身材須標示警語，唔包括改變髮色或者執走外表瑕疵。
▲巴黎街上書報攤上名牌Saint Laurent廣告，model雙腳執到唔成比例。
法國政府咁做係希望讓市民明白廣告裏model嘅身材係靠執相而得，希望市民唔好一味追求過瘦身材而搞到自己唔健康。而法國係全歐洲裏BMI最低嘅國家。
法國係2015年亦規定model須要有醫生紙證明唔會過瘦，身體狀況良好先可以開工。如果唔提出証明則會被罰入獄6個月或者罰款7,5000歐羅。
其實法國唔係全球第一個國家通過須標名廣告「執相」呢項條例，以色列由2013年起，就規定所有執過相嘅model嘅相都要清楚標示。
資料來源：https://dq.yam.com/post.php?id=8267
文：維
