一年一度嘅搞笑諾貝爾獎頒獎禮喺哈佛大學舉行，獎金有10萬辛巴威幣(約 40毛美元)，一齊嚟睇下以下搞笑諾貝爾獎嘅「搞笑」研究～
呢個搞笑諾貝爾獎（Ig Nobel Prize Ceremony）係頒獎畀研究啲「不平常」主題嘅科學家。而今年主題係「不確定性」～
貓貓特別技能：邊到有容器，我就塞到入去！
究竟貓係係液體定固體？呢個問題睇起嚟好「無謂」，貓係固體這是常識吧？但係，法國流體力學家Marc-Antoine Fardin 2014年係網絡上睇到「15張照片證明貓是液體」一篇文章，內容係貓貓塞係唔同容器嘅相裏（小編：呢個標題好明顯是content farm標題吧），而呢啲相就啟發左佢研究貓究竟係固體定係液體。佢認為呢篇文確實帶起了一啲有趣問題，例如點樣先叫做液體，所以佢認為呢個研究可以用來強調流體學中一啲嚴肅嘅真實議題。
佢非常認真研究，運用流體學嘅方程式底波拉數(Deborah number)計算貓需要幾多時間先可以鑽入傾斜嘅果醬罐。佢解釋話：「如果你花上好幾年的時間，用縮時攝影的方式拍攝冰河，你就會看到它從山上滑下來的模樣。」
「貓咪也是一樣的道理。如果你長時間觀察一隻(鑽進罐子的)貓咪，牠會變得很柔軟、調整自己在容器內的情況，就像液體一樣。」
經一番研究後，佢認為貓嚴格來講既係固體亦是液體。
▲研究貓係液體定固體嘅法國流體力學家Marc-Antoine Fardin上台拎獎。獎項上嘅問號呼應今年主題「不確性」。
胎教最有效方法：係陰道裏播音樂
研究發現，原來隔著肚皮向BB播放音樂呢個唔係最有效胎教方法，最有效係陰道播音樂界BB聽！
2015年，來自西班牙嘅研究團隊設計咗一款可以擺喺女性陰道嘅喇叭，經實測後，發現比起隔著肚皮播音樂，
喺陰道播音樂時，BB面部表情明顯變得更加豐富。佢地為此設計咗一款「胎兒聽覺刺激裝置」，宜家喺網上都有得買架！
▲俾大肚媽媽專用嘅陰道播放器
防扯鼻寒方法：學澳洲原住民傳統樂器
瑞士研究團隊發現，只要學習演奏澳洲原住民傳統樂器「迪吉里杜管」(Didgeridoo)，就可以有效降低訓覺時扯鼻寒嘅情況。咁可能因為喺學習樂器的過程中訓練到條脷嘅肌肉，亦有效降低了喉嚨裡的「脂肪墊」(fat pads)。
呢個研究獲得搞笑諾貝爾和平獎。該研究的第一作者、來自蘇黎世大學的公共衛生與流行病學教授Milo Puhan攞獎時打趣地話，有啲攞到搞笑諾貝爾獎嘅學者係無耐之後就「升級」為諾貝爾獎得主，所以「我的大學校長對我獲獎感到非常興奮」。
呢個治療方法吸引咗好多人。研究發表後，其中一名研究者就轉職成「治療用迪吉里杜管」指導老師，目前已經幫助過 2,500名病患。
除咗以上呢啲研究外，亦有其他「搞笑」研究，例如同鱷魚接觸後點樣影響人嘅賭博意願、雙胞胎都沒辦法辨識出照片中嘅自己、拎著咖啡倒著走會發生咩事(還有點樣握住咖啡會比較安全)、人類耳仔平均一年會長 2毫米(所以人越老耳仔越大)等。
▲研究「迪吉里杜管」同扯鼻寒嘅學者上台拎獎時即場表演「迪吉里杜管」。
雖然研究有啲無厘頭又搞笑，但係呢班得獎者就提醒咗我地，唔好忘記對世界嘅好奇心，即使被認為係「無厘頭」。有人試過攞完搞笑諾貝爾獎後就攞正式諾貝爾獎呢～
好多科學新發現／發明最初都係來自科學家嘅好奇心而發呢！
資料及圖片來源：https://dq.yam.com/post.php?id=8193
文：農夫
