英國有間超級市場之前出現咗隻貓Brutus，其實佢係住喺超級市場附近，可能因為太悶無嘢做就每日都走嚟巡邏，員工仲叫佢做「魚凍櫃守護神」添～
佢唔止會喺門口巡邏，仲會巡晒咁多個貨架，確保無壞人偷嘢～
作為一隻貓，梗係要守護埋自己嘅糧食喇～
開頭大家見到隻貓都會好奇怪，但慢慢大家都習慣咗，仲俾佢自出自入，當埋自己第二個屋企。
呢隻貓不但保護好超市財物，仲引咗好多人特登慕名而來探佢，變相幫超級市場賺錢，唔怪之得啲員工咁鍚佢喇～
可惜佢因為腎衰竭離世，為咗令佢可以繼續守衛超級市場，超市員工造咗個雕像紀念佢。
雖然貓貓已經走咗，但呢個世界「不在乎天長地久，只在乎曾經擁有」架嘛～
圖片及資料來源：HUFFPOST
撰者：Kinnie
