係日本呢個咁壓抑、講究禮節嘅國家，出租角色服務，即係幫客人扮演需要嘅角色，呢個行業非常有市～而日本人龍川隆一開設呢類公司，於2012年更拍成紀錄片 Rent A Family
2006年龍川隆一開設「我想讓你振作起來」事務所，當時公司只得佢一個人，佢亦只係打算幫客人扮演單親媽媽嘅爸爸角色、婚禮致詞人之類角色，但後來有人開始問有無女人、後生仔、60歲男人等等，於是佢開始請其他人，如今佢已經有超過100名業餘員工。
▲龍川隆一
開設事務所 由e-mail收費諮詢始
龍川隆一係開事務所前，係網上提供e-mail諮詢服務，每個諮詢收費3000日元。佢最初收到好多e-mail，例好有好多人擔心手術，女人就會講自己身材與外表。直到有次有客人邀請佢做婚禮致詞人，而致詞已由客人寫好，佢只係去演講。演講好成功，於是佢將婚禮致詞人呢項服務加入佢e-mail諮詢服務裏。
演講成功後，有好多人要求佢扮演致詞人，於是佢作為玩具製造廠員工嘅上班族，利用工餘時間幫客人。之後有人陸續向佢詢問有無女性等唔同角色，於是佢陸續請唔同人扮演唔同角色，06年更開設公司。
對於事務所提供嘅服務，佢強調並唔希望客人當作情感支援～
日本極度講究禮節 令出租行業大行其道
點解「出租」服務係日本大行其道呢？其實日本係一個極度講究禮節、「門面」嘅國家，好在意他人嘅睇法，於是出租角色嘅服務大行其道，為客人提供最恰當嘅社交表現～
龍川隆一直言搵佢地嘅客多數都無其他人可以拜託，有時佢都會自問若果自己唔幫個客，會發生咩事～或者唔幫佢地會造成短暫嘅難堪，但都有可能影響佢地一生，對佢地影響深遠。」所以佢相信，出租角色服務可以令客人係日本咁壓抑嘅社會得到解脫。
佢之前假扮一個懷孕嘅女人嘅爸爸，因為佢親生爸爸唔允許佢嘅婚事。事後客人話龍川隆一拯救咗婚姻。
▲唔止有出租角色服務，日本公司Dog Heart更係專門租出狗狗俾客呢...
資料來源：https://dq.yam.com/post.php?id=8166
圖片來源：CBS NEWS
文：維
