最近喺韓國有一部電影《逆權司機》，上映首日就突破69.8萬觀影人次，係韓國影史上最高首映觀影人數嘅電影，之後亦都打破咗無數紀錄。
故事講述1980年5月光洲民主化運動，光州人民不滿當時陸軍少將全斗煥嘅軍事獨裁，引發大規模示威遊行。但係全斗煥派軍隊以暴力鎮壓，造成幾百人死亡同幾千人受傷，同時亦都禁止媒體張依件事洩露出去。所以當時處於光州外嘅韓國人跟本唔知發生咩事。
電影以當時德國嘅調查記者Jürgen Hinzpeter真實經歷為藍本，宋康昊飾演嘅的士司機「金四福」為主軸，講述喺1980年5月光洲民主化運動前夕，為左生計嘅金四福載咗一名黎自德國嘅調查記者Peter去光州，原本以為只係一次普通嘅旅程，點知就捲咗入依場歷史風暴中。
對於依套電影點解咁受歡迎，有唔少人覺得光洲民主化運動係韓國人爭取民主嘅代表事件，睇得出韓國人非常珍惜當初用血換嚟，得來不易嘅民主，亦都忘記唔到依段歷史帶黎嘅傷痛。
電影21/9就喺香港上映，唔知會唔會有機會打破上年《屍殺列車》嘅記錄呢？
{youtube}QaxunqwNuRI{/youtube} |
撰文：Yanica
