「偽娘」一詞源自日本動漫文化,指有女性化外表嘅生理男性，簡言之，即係男扮女裝。
史書對靚仔記載，多數形容佢哋係「相貌俊秀」、「身形魁梧」，以呢啲富有陽剛特質嘅形容詞描述當時美男，但係到魏晉時期，對靚仔嘅定義就唔同晒，多數係鐘意較為陰柔嘅美男子。史書上形容魏晉靚仔係咁：「容貌整麗」「有美形」、「面如凝姿」、「妙有姿容」嘅「玉人」～而當時嘅貴族士子，幾乎每個人都係臉上搽粉、印口紅、噴香水。據史書記載，當時好多男人都係鏡不離身，一日要照幾次鏡，補吓妝，幾乎到咗唔化妝就唔見人嘅地步～
曹植每次見朋友前，都會係臉上搽粉，令臉色睇嚟比較白淨先見客。
除咗貴族士子會化妝，當時仲流行男人穿婦人服～貴為一國之君嘅魏明帝就「好婦人之飾」，鍾意喺胸前戴珊瑚做嘅珠串、可愛嘅繡花帽。謝玄嘅伯父謝尚，喜歡穿繡得花花綠綠嘅女人褲子，衫要香噴噴。當時，佢會用熏嘅方式將衫整到香噴噴，即係點一啲香料，將衫擺喺香料上熏。
▲孫位《高逸圖》裏嘅阮籍手執「塵尾」。「塵尾」係當時士大夫慣用嘅物品，可以扇風辟蠅，仲有「領袖群倫」嘅象徵意義。
另外，男人身上都會帶個香囊，並且手執睇嚟一把好似扇嘅「塵尾」。
資料及圖片來源：互聯網
文：兩眼發呆
