喺宜家呢個崇尚自由戀愛風氣嘅社會，現代人溝女溝仔直接好多，但喺以往社會咁保守、壓抑嘅年代，男人想上前撩女神傾偈就唔可以咁直接啦，於是「調情卡」就應運而生，俾男人派卡表達心意。
喺美國維多利亞時代，嗰時啲人係任何場合都會派卡片表達個人感情，包括同情、悲傷、友善、挑逗，唔少得仲有「調情」啦。
「調情卡」又稱為交友卡(acquaintance card)、護花卡(escort card)，通常係畫有插圖，再加一兩句嘅小卡片，例如有張卡咁寫「請問我有這個榮幸在今天晚上護送您回家嗎？」
19世紀男女調情方式：互派調情卡
當時男女調情方式大約係咁，一男一女係路上見到對方，大家對上咗眼，如果女人對男人有興趣，佢就係身上垂掛一條手巾表示對男方有興趣，如果男人都同樣有興趣，兩個人就可以傾偈啦～感情培養到咁上下時，男女其中一方都可以俾對方一張調情卡以表示有意思，咁就確定約會啦～
其實調情卡都有唔同類型，除咗有傳達愛意嘅卡片，仲有教你點樣調情（現代毒男「恩物」？），仲有單純宣揚調情呢個理念卡片～
其實調情卡上嘅句子輕挑又輕鬆，係幫助男女破冰，完全無「約砲」嘅意思。「送你返屋企」嘅意思就單純係送對方到屋企門口咋～
▲被對方拒絕，唔可以送對方返屋企，都要求坐係欄杆遠遠望住對方，痴情～
▲如果要回絕對方好意，只需要還返張調情卡，或者除低左手手套示意。（其實咁樣都係一個幾好嘅下台階俾對方啊～）
▲連情話都寫好～
▲含蓄表達自己對對方好感，都幾優雅
▲除低右手手套代表回絕對方
▲開宗明義係調情卡，寫好情話。（會唔會係毒男恩物？）
▲送人返屋企真係好重要嘅發展步驟～
鋪頭免費送調情卡
據1878年《Union》記載，19世紀時，美國堪薩斯州、賓夕法尼亞州、印第安那州嘅鋪頭都會送調情卡。明尼蘇達州的普林斯頓市(Princeton)裏最新版嘅調情卡，每張都唔駛1分錢。伊利諾州皮奧里亞市(Peoria)嘅威爾森雜貨店(Wilson Grocery)甚至會係調情卡上刊登新奇嘅小玩意，作為一種廣告。
▲約1900年，雜貨店發行嘅一張調情卡上嘅廣告。
想睇更多調情卡收藏品：https://www.flickr.com/photos/aemays/albums/72157626967453736
資料來源：互聯網
圖片來源：Flickr@ Alan Mays
文：看更
