民國時期男人嘅裝扮真係好吸引！知識份子多數都著正式西裝或長衫，係冬天更會披上厚厚長大褸，再加上頂著一副圓形框眼鏡，文質彬彬咁，非常有型，好有男人味！而家嚟睇下最適合民國裝扮嘅男藝人啦！
劉松仁
松哥愈老愈型！雖然佢唔係高大威猛，但愈老就愈有男人味，著上民國男子裝扮，西裝加上圓形眼鏡，十份有型！佢係TVB電視劇《蔡鍔與小鳳仙》飾演蔡鍔，穿上一身軍服，身高唔高，但仍然霸氣十足！係《名鍰望族》飾演家族老爺，穿上三件頭西裝，十分有男人味～
張智霖
Chi Lam最近係電影《京城81號II》飾演少帥，著上軍服嘅佢有型有款！
陳豪
身型高大嘅陳豪著上民國時期大褸，果然有風範。
黃浩然
黃浩然面型方，有稜有角，係TVB電視劇《大藥坊》飾公子哥兒，穿上三件頭西裝加上幼框圓形金絲眼鏡，都幾型。
胡諾言
胡諾言係TVB倉底劇《蘭花劫》飾演一名英國回流醫生，本身樣貌都算斯文，係劇中佢戴上圓框玳瑁眼鏡，斯文打扮，都唔錯。
圖片來源：互聯網
文：廢青唔青
