為咗俾啲心理準備各位大學新生，今日小編就同大家盤點Ocamp歷來嘅變態遊戲，希望唔好嚇到大家到時唔敢入camp喇～
1. 用口傳嘢食
作為一個小毒毒嘅小編，平時同唔熟嘅人連拖下手都唔敢喇～而家仲要用口傳嘢食！？真係諗起都驚啊！！
2. 食蕉
嗱嗱嗱！大家唔好諗錯隔離啊！佢地真係食香蕉架～但係條蕉擺放嘅位置就……有啲尷尬囉～無事嘅！合埋眼好快過架姐！
除咗食蕉仲有飲水～Um...其實呢個遊戲有咩意義呢？
3. 人肉層層疊
30幾度就咁企喺度都出晒汗喇～而家仲要人疊人，如果你下面嗰位朋友仲要係極大汗嘅話，小編真係恭喜你啊～
4. 舐腳
就咁見到個名，小編對腳都不自覺一縮啊！以下呢個gif大家肯定見過無數次喇～如果要你舐隔離隻腳，你又會唔會伸條脷出嚟？
5. Happy Corner
呢個遊戲應該好多人聽過，其實佢唔係Ocamp獨有，平時返緊學都會有人突然同你玩Happy Corner～遊戲玩法好簡單，就係由幾個男仔抱起一個新人，打開新人雙腳，衝向燈柱並摩擦下體～負責抱人就梗係Happy喇，但俾人抱嗰個就…玩遊戲姐，記住保護好自己啊～
6. 一生人一次
最後又點少得呢個經典遊戲呢～其實本身個遊戲唔變態，但如果遇著個衰搞手，咁成件事就可以好三級！玩法其實好簡單，新生會俾人蒙住對眼，之後搞手就會叫新生除最束縛你嘅嘢，睇到呢度，大家諗到應該除啲咩未？
好多人都話Ocamp一定要去，小編就覺得去嚟識下朋友無問題嘅，但如果遇到啲變態嘢，記住嗌唔好啊！
圖片來源：網上
撰者：Kinnie
