有啲o靚仔o靚女會介意另一半年紀比自己大，多數都係擔心外表唔相襯，拍拖出街怕會畀街外人「眼甘甘」。但講真果句，宜家「又不是八十年代」，當愛情要嚟擋也擋不住，最緊要兩個人一齊開心咪得囉～娛樂圈裏唔少情侶都係「姊弟戀」例子，最經典嘅莫過於王菲與謝霆鋒，佢地相差十一年～！
| {youtube}2KJGkpm_ZCM{/youtube} |
今次街訪我哋訪問咗唔少男士和女士，總括嚟講不論男或女，原來都鐘意年紀比自己大，因為感覺對方思想比較成熟，比較識得相處之道，會照顧對方。（根據非正式統計，唔少同齡男生比同齡女生其實比較幼稚，無怪乎大部份女生都鐘意年紀比較大嘅男生，感覺成熟啲，識得照顧自己啊嘛～）
唔好以為男生都鍾意「大男人」咁款，鐘意保護對方，原來男仔有時都想可以依賴下女朋友，享受下被對方照顧嘅感覺～
老套講句，兩個人相處非關年齡差距，最緊要都係思想上合得來，識得相處之道啫！
拍攝及剪接：Jayden、維維安
