民國時代嘅旗袍突出女性體態美，幾靚架，唔少女藝人都著過旗袍拍戲，而家嚟盤點吓著旗袍最好睇嘅香港女藝人啦～
張曼玉
張曼玉係王家衛電影《花樣年華》梳住一頭60年代舊香港女士髮型，身穿三十多套旗袍出場，加上電影嘅調色，真係散發出一陣濃濃嘅舊香港女人著旗袍嘅味道～！
除咗係《花》著旗袍外，係電影《阮玲玉》亦有著呢！當時張曼玉演出阮玲玉，更一舉攞下柏林、金馬、香港金像獎影后呢。
林青霞
林青霞現今雖年逾60，但女神嘅氣質仍絲毫無減。佢2年前為大陸綜藝節目《偶像來了》著上訂造嘅大紅色旗袍拍攝舊海報，身材仍然keep得好好，加上手執琵琶，一身艷紅色仍不落俗套，體現出歷練嘅女人韻味～
朱茵
同樣為大陸綜藝節目《偶像來了》拍舊海報而著上旗袍。一身金色旗袍，朱茵著上身高貴大方，一啲都無土豪嘅味道啊～
蔡少芬
同樣為《偶像來了》拍攝而著上旗袍，一身刺繡花樣旗袍，濃妝艷抹，加埋髮型，演活咗風塵女子嘅味道～
另外，佢係大陸電視劇《非凡匠心》裏，留一頭短髮，穿著黑色旗袍與張國立跳舞一幕，被網民讚有《花樣年華》嘅味道。短髮蔡少芬加埋黑色旗袍，體現成熟嘅女人味道。
張可頤
佢係由文學改編而成大陸電視劇《長恨歌》裏飾演主角王琦瑤，演出王由少女到中老年，呢四十年間與三個男人之間糾纏不清嘅愛情。劇中佢著上旗袍，配以淡妝，有種平民百姓鄰家女孩嘅味道。而著上藍色旗袍則顯得佢優雅高貴。
另外，佢與陳豪拍TVB電視劇《天梯》裏亦身穿長衣款式深藍旗袍。雖然無露出手臂及小腿，係外面更披上一層針織披肩，但給予人一種莊重，大方得體感覺。
周海媚
係TVB電視劇《蔡鍔與小鳳仙》，周海媚飾演名妓小鳳仙，著上咗上下裙襖款及七分寬袖款嘅旗袍，無露出大部份面積嘅肌膚，但仍然好睇，體現咗女性嘅韻味。
伍詠薇
係《銀樓金粉》裏佢穿著修身嘅中袖旗袍，飾演大家族裏嘅三太太，為愛痴狂。
黎姿
黎姿現今己淡出銀幕，佢係電視劇《胭脂水粉》著中袖旗袍再披上件假毛毛披肩，突顯出上流社會女性嘅雍容華貴、大方嘅氣派。
蘇玉華
主要演出舞台劇嘅蘇玉華，即使年屆49歲，皮膚依然keep得好好。幾年前與謝君豪主演舞台劇《南海十三郎》，穿上旗袍，十分有韻味。
之前與黃秋生係電視劇《梟雄》演一對結婚十年嘅夫妻亦穿上旗袍。
