呢個關乎當時古希臘人對理想男性嘅審美標準。現代人會認為男性下體愈大愈好，但古希臘人則認為小先係「美」。史學家 Kenneth Dover係《希臘同性愛》（Greek Homosexuality）中指出，對古希臘人嚟講，古希臘男性有較細嘅生殖器，則有愈高嘅社會同文化價值，象徵冷靜、理性；相反，粗大嘅生殖器則象徵著愚笨、野蠻、好色，受世間唾棄～
▲大衛像
▲大衛像下體
另外，我地可以觀察得到，流傳至今反映希臘審美觀嘅著名雕像，如拉奧孔群雕、年輕勝者之像、或宙斯、海神波賽頓像，佢地嘅生殖器都係細小。
▲拉奧孔群雕
▲年輕勝者之像
▲宙斯、海神波賽頓像
古希臘劇作家阿里斯托芬係佢作品《雲》中，直接表達了理想男性應擁有尺寸較細嘅生殖器：
「完美的男性，應該要擁有光滑的胸膛、白皙透亮的肌膚、寬闊的肩膀、短舌頭、翹臀，以及尺寸較小的生殖器。」
而係古希臘藝術和文學中，粗大嘅男性生殖器象徵好色同愚蠢。
以下嘅古希臘雕像，佢地嘅下體都粗大無比，都係展現其好色、荒淫嘅人格。
▲普里阿普斯壁畫
▲普里阿普斯雕像
如「果樹與豐收之神」普里阿普斯，係阿媽腹中被女神赫拉詛咒，長出粗壯且屹立不搖嘅生殖器，因尺寸不正常被阿媽阿芙蘿黛蒂從奧林帕斯山放逐，更被眾神排擠。傳說佢曾企圖強暴一名女神，被罰抱著一套巨大而無用嘅木製生殖器。「陰莖異常勃起」(Priapism) 呢個嘅罕見病症就係以佢嚟命名。
▲酒神戴奧尼索斯嘅隨從薩提爾
酒神戴奧尼索斯嘅隨從薩提爾（Σάτυροι），出名懶惰、貪婪、淫蕩、嗜飲，擁有人類嘅身體同羊嘅生殖器，個雕像嘅生殖器亦係唔合比例地大。
圖片及資料來源：互聯網
文：性戰士
