王浩信自飾演《不懂撒嬌的女人》中Saving 一角後人氣急升！為救收視，無綫重新編排節目，王浩信主演嘅《踩過界》將會緊接《蘭花刼》於本週週末開播。《踩過界》不論題材同卡士都話題十足，唔知一破週末「炮灰檔」嘅命運，有好收視呢？
播完大熱電視劇《不懂撒嬌的女人》，無綫竟然選擇播出2007年拍攝嘅《蘭花刼》，結果《蘭花刼》成為翡翠台迄今為止平均收視最低嘅劇集，成績未如理想。為救收視，《踩過界》將於6月24日起，逢星期六、日晚上9點半播放，每星期播兩集。
《踩過界》係無綫首套超級英雄劇集，劇中王浩信將會飾演一個視障正義律師，用四感查案，並會同扮哨牙妹嘅蔡思貝一齊查案！身為男主角，王浩信更特地到盲人中心接受訓練。劇中仲有多位好有觀眾緣嘅演員，例如李佳芯（Ali）、朱千雪、張振朗、譚凱琪、單立文等等，好多觀眾都表示好期待啊！而且今次更加係王浩信同朱千雪繼《EU超時任務》再次合作嘅作品，雖然佢哋今次唔係飾演情侶，不過觀眾都相當期待兩人之間嘅火花！
劇中更不乏裸露戲，除咗有Ali 除衫露背露膊、露譚凱琪有全裸鏡頭，王浩信經常除衫騷肌，男女觀眾都大飽眼福！
不過王浩信自己就唔覺得無綫利用自己救收視，佢喺訪問中表示新劇感覺似電視電影，需要觀眾花時間慢慢消化，所以公司先會選擇喺週末播出，而且佢自己對新劇收視都冇咩信心。
圖片來源：Internet
撰文：Amber
