廣東話博大精深，好多「港式用語」更加係香港人先會有共鳴。大家講就講得多喇，但呢啲「港式用語」係點嚟？起源你又知唔知係咩？
| {youtube}aRiL-KYSKjY{/youtube} |
戴綠帽
「戴綠帽」係指一個男人嘅女性伴侶紅杏出牆，同其他男人發生性關係。
「戴綠帽」一詞係同歷史文化有關。據《元典章》中記載，元朝規定娼妓家長同男性親屬要裹青頭巾。所以青頭巾就代表娼妓嘅男性親屬，逐漸演變成今日嘅「戴綠帽」。
叫雞
「叫雞」係指召妓。
咁點解妓女係「雞」呢？「雞」作為妓女呢個貶稱係二次大戰後先興起。由於普通話發音「雞」同「妓」幾乎相同，所以被人潛移默化咁就變成「妓女」嘅意思喇。
出貓
「出貓」意指作弊、出茅招。
有傳出貓一詞係來自英文嘅「copycat」。同時有另一種講法話貓喺北方話係指「匿埋」，故此，貓紙係指收埋嘅紙，拎張貓紙出嚟時就叫「出貓」。
豬扒
「豬扒」係指外貌比較差嘅女性，具有相當侮辱性。據指「豬扒」一詞來自日本，日本人會批評貌醜嘅女人做豬排。
打飛機
「打飛機」意指男性手淫。
男性手淫嘅情況充就有如空射炮向住天空發射，所以手淫就叫「打飛機」。
收皮
「收皮」係指結束或者係叫人收聲、消失。
「收皮」嘅起源原來有三個說法：
1. 「皮」係賭坊術語，賭坊內嘅番攤嘅玩法，「四個一皮」，四單位為一組，結束時稱之「收皮」。
2. 「皮」係番攤墊喺枱嘅一張蓆，用嚟墊住賭具。當收檔時就會收起呢張蓆，呢個舉動就叫做「收皮」。「收皮」同樣有「收檔」嘅意思。
3. 收皮係指番攤中嘅「貔貅」。貔貅係一種瑞獸，外貌似獅子，頭上有雙角，有辟邪和招財功效。以前賭坊會擺貔貅喺門口，收檔時收返隻貔貅會叫「收貔」。
