好多人裝修時都會喺屋企放鏡，除咗可以方便自己出門前照一照之外仲可以增強空間感，視覺上更加美觀舒適。不過如果放錯地方，就可能會好尷尬嘞！
日前有網友喺爆料公社post 出一張外國公廁嘅相。圖中所見，呢個公廁個天花板好特別，選擇咗用鏡，而且仲擦到「立立令」！室內設計小編就唔多識啦，不過小編就諗只要大家一抬頭，廁格內外所有嘢一覽無遺，唔洗開門都知嗰格有有人。哇......真係好方便、好開揚，好有空間感啊！！
好多網友睇完呢張咁爆笑嘅相後都話根本就係廁格直播，更有人笑言「看來終於連上廁所都要撐傘了」。如果你好急時，面對呢個廁所你又會點做？
圖片來源：爆料公社
撰文：Amber
