唉！養咩狗可以話係人生一大決定，同揾伴侶一樣，揾唔啱你哋就真係會好難相處，今次睇下有邊種狗啱你啦！
1. 巴吉度獵犬
佢會成日同你坐喺張疏化度已經好足夠，好適合唔多出聲嘅你！
2. 比熊犬
比熊好打耳架！佢地需要嘅運動仲好少，放佢喺腳度啱晒安靜嘅你。
3. 鬥牛獒
佢普遍都係超懶，對於唔好動嘅你嚟講，係一件好事。因為佢成日都唔想運動，咁包你可以攬住佢睇電視，so warm！
4. 芝娃娃
佢哋雖然有時真係幾嘈，但佢地都鐘意癡住人，同人好close，唔係好嘈嘅你但又鐘意喺疏化度hea吓嘅話，芝娃娃真係好適合你！
5. 沙皮狗
見住佢咁嘅樣，其實就好想幫佢拉下皮，等到佢無咁多紋，你望住佢都望得舒服啲！見佢個樣懶懶地，就知佢好鬼鐘意訓教，亦都好適合鐘意訓教嘅你！
6. 英國鬥牛犬/法國鬥牛犬
鬥牛犬個樣同沙皮狗都真係差唔多，佢地啲皮整到佢地好似呀伯一樣。佢地其實又唔係真係唔做運動嘅，只係佢地都比較鐘意訓教，咁你...又係唔係一個睡寶寶呢？
7. 格雷伊獵犬
呢個品種都算係大狗嘅品種，佢地有運動細胞，但亦都鐘意訓係梳化等你返屋企！如果你有一個大屋企，呢隻品種嘅狗都絕對係你可以考慮去養嘅品種！
睇咗咁多個品種，你有無一種係啱你心水架呢？
圖片來源: 網上
撰文：Gloria Leung
