丹麥有一間專設計遊樂場嘅公司，為咗令全世界小朋友都可以有一個快樂童年，佢地會喺世界各地興建唔同嘅特色遊樂場，唔知佢地有無興趣嚟香港發展下呢？
呢個係位於瑞典哥德堡嘅遊樂場，靚到成個城堡咁～唔好話小朋友，小編見到都好想上去玩啊！！
同樣位於瑞典哥德堡，見班小朋友咁興奮爬上去就知呢個遊樂場幾受歡迎喇～不過喺香港會唔會俾家長投訴太危險呢？＞＜
位於丹麥奧爾堡嘅遊樂場，零平衡力嘅小編就真係唔敢行上去喇，你又敢唔敢呢？
鏡頭一轉我地嚟到法國泰爾維勒，呢隻大青蛙比較容易，唔洗家長幫手小朋友都應付自如啊～
點解設計師可以咁有創意？呢個遊樂場真係又玩得又睇得！
爬又得…捐又得…得咗～好想摸下隻獅子，好似好滑咁(流口水)
小朋友真係好得意，忍唔住開心share俾大家睇下～
留意返，唔係鏡頭斜咗，而係個遊樂場真係斜架～喺上面留得耐，可能會唔慣喺平地行路XD
好！靚！啊！好有童話嘅感覺！小編都想做返小朋友喇～～～
睇完呢啲遊樂場，只能講句「這些機會不是我的」ＴＴ如果香港都有啲咁正嘅遊樂場就好啦～～～
圖片來源：BoredPanda，Monstrum
撰者：Kinnie
