真心覺得紐約係小編好鐘意嘅地方，佢有自己特色之如，其實都好似香港！身位港男港女可以去吓紐約找找兩個地方嘅不同之處！
1. 時代廣場
第一個要講嘅就係紐約嘅時代廣場。香港同紐約兩者比較你地覺唔覺得有無咩分別呢？紐約嘅時代廣場，好有時代感！你會見到好多霓虹燈，又或者黃色嘅的士，你又會見到好多舖頭，Forever 21, M&M, Kodak等等，亦都有百老匯表演，你可以即場買飛入去睇，而網上亦都有好多假公司賣百老匯表演嘅飛，所以睇下大家會唔會咁好彩中招啦！
而望吓香港嘅時代廣場，其實唔係唔靚架，只係無咁多燈，但同紐約一樣都係好多嘢賣。不過香港嘅時代廣場賣嘅嘢都偏多名牌，而紐約嘅就有平有貴，睇吓你需要啲乜啦！
2. 最高嘅大廈
喺紐約最高嘅大廈係世界貿易中心，佢犀利啦，佢向上嘅總共有104層，向下嘅有5層。而佢都係九一一事件中其中一間損毀之後重建嘅建築物。你親身去感受下當地，就明白當日嘅震撼！
而香港最高嘅大廈就梗係環球貿易廣場啦！佢總共有118層，仲勁過紐約果棟！
3. 男女比例失衡
拿拿拿，唔係只係香港有問題，原來喺紐約男同女嘅比例都係失平衡架！有研究指，比較適婚年齡嘅男同女，每4個女仔就爭3個男仔！仲要大約9至12%嘅男仔其實係HEHE。不過講緊嘅係紐約姐，人地美國咁大，想搵個人拍下拖，去隔離州個城市搵番個咪得囉，Easy！
香港一樣，女多男少，不過香港嘅女仔如果想揾伴侶，其實都可以北上尋親嘅！但佢地會唔會咁做，就真係睇人啦！
4. 女神像
其實美國都有好多女神，當然，喺呢個咁注重自由嘅紐約，自由女神像就唔少得架啦！
香港都有個女神像，佢就係中文大學果個啦！嘻嘻，果個封為民主女神，無人唔識啦係咪先？
圖片來源: 網上
撰文：Gloria Leung
