每年復活節，大部分香港人都無咩特別慶祝活動，都係食下復活蛋、同復活兔影下相，但世界各地就有好多匪夷所思嘅慶祝方法。
瑞典、芬蘭
喺瑞典同芬蘭，佢地慶祝復活節嘅方式有啲似萬聖節。小朋友都會扮成老人家或者巫婆，帶埋掃把同籃，逐家逐戶攞糖果。佢地多數都會著長裙，用頸巾包住個頭，面兩邊塗上紅紅嘅胭脂。
西班牙
復活節前一個星期日去到復活節當日西班牙人會叫做「聖周」，佢地都會舉辦各種慶典同遊行嚟慶祝。信徒會揹住十字架、抬住耶穌基督同聖母瑪利亞像、或者手持蠟燭喺街遊行。有部份人亦會頭戴尖頭高帽，嚟代表自己係懺悔者。由於遊行十分盛大，好多遊客都會慕名而來，特登搭飛機嚟朝聖。
委內瑞拉
委內瑞拉人會以背叛耶穌嘅門徒猶大個樣為藍本，製作假人，再綁佢地喺十字架上燃燒。除咗猶大外，佢地有時亦會整個佢地討厭嘅政治人物假人嚟燃燒。
波蘭
復活節嘅每個星期一，波蘭人都會向女仔淋水。呢個傳統已經有2000年歷史，由於波蘭人認為水係代表生命，所以佢地覺得淋水可以增加女仔嘅生育能力架～
菲律賓
部分菲律賓嘅天主教徒會喺復活節嘅每個星期五模擬耶穌受難，釘自己喺十字架上面。留意返，真係釘！但因為太殘忍，所以菲律賓國家教堂係唔認可。
以下圖片慎入
菲律賓政府可唔可以立法禁止呢種自殘行為呢？睇圖都覺得痛，更何況係當事人？宗教應該係導人向善，而唔係教唆他人傷害自己身體！
香港無咩特別慶祝復活節嘅活動，如果大家想感受下節日氣氛，可以去以上嘅地方睇下！但記住記住記住，菲律賓呢啲變態地方就真係可免則免啦！
圖片來源：網上
撰者：Kinnie
