作為一個畏高嘅小編，真係睇相都覺得驚，自認為大膽嘅各位不如睇下幅圖，睇下自己又敢唔敢！
呢個變態游泳池座落喺休士頓「Market Square Tower」嘅42樓，向外延伸出一個高空透明泳池，測試下住客嘅膽量指數！業主幫呢個泳池改咗個好適合嘅名叫「Sky Pool」，顧名思義就係空中游泳池。
呢棟豪華大樓有各種娛樂設施，室內籃球場、戲院同健身房等等，而最吸引人就當然係呢個空中游泳池啦～
小編覺得有勇氣喺呢度游水嘅人真係超強心臟，見到呢個景連氣都唔記得抖！
啲水洗唔洗咁清呀？水底影落去真係嚇到個心都離一離
唔畏高嘅大家可以去試下，只要戰勝心魔，其實呢個空中游泳池好安全嘅，係以8吋厚的強化玻璃打造，完全唔洗驚會跌落去～
而家啲泳池愈出愈變態，睇嚟小編都要快啲克服畏高，如果唔係以後水都無得游。
圖片來源：Market Square Tower
撰者：Kinnie
