小編一生人最想做條自由自在嘅魚仔，雖然好似成日都要搵食或者逃生，但諗起都好似好自由自在咁。相信台灣嘅蘭嶼係一個好地方去俾你同小編一齊做條美人魚~
蘭嶼呢個地方好簡單，佢唔似啲大城市咁，周圍都係高樓大廈。佢更多嘅係藍色嘅海、屋仔，小豬仔走黎
走去嘅情景。如果感覺到生活好大壓力，不妨黎呢個步伐慢啲嘅地方，放鬆下。
飛魚係佢地嘅地道食物，佢地差唔多乜都食飛魚。只係在於佢點整架姐。
去到蘭嶼最重要嘅梗係玩浮潛，落到去水裡面，你一定見到好多珊瑚礁，千奇唔好踩落去，只係望下好啦。其實如果你去過馬來西亞或菲律賓嘅地方浮潛，你會知道好多珊瑚礁已經死哂，因為污染得太犀利。但喺台灣嘅蘭嶼嘅水底，你除咗可以自由自在咁浮黎浮去之外，你仲可以見到好多仲生猛嘅珊瑚礁。
不過，記得唔好茶防曬。其實著住件浮潛衣已經好防到紫外線，而防曬用品好多時會污染海水以至珊瑚死哂，佢地好易死架，所以要珍惜同保護呢片海洋多一點。
其實去蘭嶼，可能你真係一眼望哂，來來去去都係藍天、藍海、自由舒暢氣息等等，其實真係無乜特別，但係睇黎喺香港就真係難感受到當中嘅慢節奏。其實靚嘅地方有好多，但係留唔留得低就真係靠大家可唔可以保護呢個地球啦:)
圖片來源:網上
撰文: Gloria Leung
