一直以嚟魚網絲襪喺大家心目中都係性感但卻又相當俗氣嘅時尚配件，不過由16年秋冬起歐美及日韓時裝界都掀起一股魚網絲襪熱潮。只要配搭得宜，魚網絲襪絕對可以點亮你一身打扮，時尚又有個性。
面對近兩季嘅時尚Hot Item 魚網絲襪相信好多人都唔知應該從何入手，完全唔識襯。而最簡單嘅配搭當然就係爛牛仔褲配魚網絲襪。魚網可以令破洞位更加有層次，展現出個性卻又不失性感。不過如果你驚自己駕馭唔到條魚網絲襪唔想嘥錢買嘅，可以仿效下內地呢位朋友嘅「節儉時尚之道」！
內地呢位朋友實在太聰明，佢選擇咗自己畫，零成本fashion！真係勁好創意啊！
Fashion呢啲嘢，一枝筆就搞掂啦。下次絲襪爛咗或者單純想慳錢，妳哋識做啦！不過如果下次想露多啲魚網pattern，可能就要花多啲時間畫啦！
圖片來源: Internet
撰文: Amber
