好多符號我地由出生開始就用緊，但大家又有無考究過佢地嘅由來呢？
1.＆
呢個符號我地都知係代表AND，但點解會有個咁嘅符號呢？其實佢係拉丁文嘅「et」合體，而拉丁文et就代表AND。「＆」由西塞羅嘅秘書Tiro發明，佢為咗寫快啲就合埋佢地一齊~
2.愛心符號
其實心型符號同心臟唔係好似，咁點解會用佢代表我地嘅心呢？關於佢嘅來源有幾個唔同嘅講法，而最多人講嘅就係佢代表兩隻天鵝鍚鍚。天鵝一生都會陪住佢嘅伴侶，所以亦代表愛與忠誠。
3.藍芽符號
10世紀時，丹麥被哈拉爾德國王統治，佢統一咗當時四分五裂嘅丹麥。佢因為好鐘意藍莓，搞到至少有一隻牙係長期藍色，所以大家又會叫佢做「藍牙」。而藍芽其實就係將唔同裝置group埋一齊，所以藍芽符號就結合咗國王名字嘅縮寫「H」同「B」啦~~唔講唔覺，其實符號外框都好似隻藍牙~~
4.開機符號
1940年代，工程師用二進制代表特殊嘅開關，1係開；0係關，慢慢大家就將佢地二合為一，變成開關鍵啦~
5.OK手勢
其實呢個手勢嘅來源眾說紛紜，其中一個講法就係日本人最先將姆指同食指接起來變成一個「O」字，然後翹中指、無名指同尾指，變成Ｋ字，以表達OK嘅意思。但大家要小心，OK手勢喺一啲歐美國家係有侮辱人嘅意思，所以唔好亂咁用呀！
圖片來源: BrightSide
撰者: Kinnie
