冬天過去，春天來臨，又到咗賞櫻嘅季節。每年2、3月大家除咗會留意櫻花，更加會留意同櫻花有關嘅商品。日前韓國Starbucks 公開咗今年櫻花系列部份隨行杯，以「櫻花的日與夜」作為主題，並以女生們大愛嘅紫色及粉色作為主調，充滿浪漫情調嘅設計，絕對可以令每一位女生心心眼！
每年韓國Starbucks 推出嘅櫻花系列隨行杯都會引起一陣搶購熱，今年當然都冇令人失望啦！櫻花系列一次過推出約十種杯款，冷熱飲隨行杯及陶瓷杯款都用，非常細心周到。所有款都咁靚，好想買晒返屋企啊！
紫藍色雲彩夜空杯，杯底更加有LED燈，點解可以咁靚架！/_\
瓶身印滿櫻花花瓣，拎住飲咖啡都特別開心啊！
官方只係公布咁部份杯款，其他款真係要等聽日開售睇下啦！
呢個櫻花系列將會喺聽日(3月21日) 於韓國發售。近日會去韓國嘅朋友唔好錯過啊！
圖片來源：Starbucks Korea @Facebook
撰文：Amber
