可能有好多人都會同小編一樣有儲汽水蓋嘅癮，呢個家庭都唔例外，佢地仲儲咗二千幾個用黎裝飾廚房添呀！ 
事緣其中一個人就覺得應該要整啲嘢出黎，令個廚房有啲與別不同，於是就諗到不如整張吧枱出嚟再用汽水蓋裝飾，就係咁，佢地就開始咗呢一個DIY計劃。
結果集合佢自己，家人同埋朋友嘅力量，花咗足足五年時間，收集到2530個汽水蓋，當中有手工飲品，本土飲品同進口飲品，簡單嚟講就係咩蓋都有～
佢地初初係想用啲汽水蓋黎砌個圖案出黎，但係後來發現太難，最後就諗到砌個色調順序出黎，就好似彩虹咁有紅橙黃綠青藍紫，比較簡單又夠靚！
首先佢地先將汽水蓋以顏色分類，再慢慢逐個排好。
排好晒之後，慢慢咁倒入樹脂，足足倒咗五層先將張枱填滿鋪平。
倒入樹脂嘅過程入面，汽水蓋會浮起集中埋一齊，而唔係夾硬將佢地填到密密麻麻咁，出嚟嘅效果真係好靚啊。
佢地話招呼朋友飲嘢，望到呢張枱都覺得好自豪！
就好似望住彩虹飲嘢咁，100%自家製！
小編都好想有張咁靚嘅吧枱啊！不過...傻啦香港人間屋鬼有咁大咩:(
圖片來源: boredpanda
撰文: Msrachel
