肥媽最近同六號又開始準備新一輯食平D（係，你無睇錯，真係又黎喇！），唔知係咪放完假返黎，肥媽又容光煥發咗，上載咗張相去Facebook，點知呢張相就引黎網民圍插喇！
就係呢張相出事喇~
出事嘅原因呢...大家睇埋caption就會明白架喇...
嘩！竟然風頭火勢下叫人慷慨解囊幫警察？！究竟係肥媽放假放到唔知發生緊咩事定係點呢？就係咁，呢幅相喺短短時間已經有過千人比反應，當中一半人係嬲嬲豬呀！
一開始都仲有班人留言話支持肥媽，仲話自己都有捐～
但係唔使幾耐，幾乎所有留言都係反對肥媽嘅行動。
唔少人都話對肥媽真係超失望
有人話肥媽是非不分，仲有人用比喻同肥媽講七警係濫用私刑
有網民就問肥媽點解唔幫埋之前非禮強姦果啲休班警
真係鬧到慘不忍睹，肥媽你咁做又何必呢？
但係直到呢一刻，肥媽都未有任何反應喎，唔通潛咗水？
唔知契仔六號見到阿媽比人鬧又會有咩反應呢？
圖片來源: Maria Cordero @Facebook
撰文: Msrachel
