話說呢位網友來自台灣，大概係因為有推銷活動，所以一下子就買咗足足九枝黑人牙膏返屋企！望住九枝牙膏隨意咁放喺枱面，佢終於忍唔住出手排靚佢～
首先係基本款- 貢品式擺法
佢心諗既然有九枝，每枝個長闊高同重量都一樣，應該每一枝都得到公平對待，每一枝都要見樣！
你覺得只係平放有咩特別？睇埋落去先～以下呢幅佢聲稱係特別揀最硬最挺最直果三枝黎排架～嗱佢講緊枝牙膏咋！
然後當然要黎啲花式啦~唔知佢係咪有研究下力學嘅呢？
呢個佢話係百老匯式～佢話好似有好多個黑人叔叔跳緊舞喎（小編心諗想像力未免有點太好LOL)
有網友話睇耐啲黑人叔叔個樣都有啲心寒~
呢個一定係紅A牌個LOGO啦！估唔到台灣嘅朋友都識我地香港品牌喎！
呢個仲唔係變形金剛？！
小編真係覺得呢位網友實在係喺想像力同執行力都有好高嘅水準～小弟佩服佩服！
圖片來源: Dcard
撰文: Msrachel
