一個好嘅遊戲通常都會有好嘅故事背景，例如Mario係要去救公主先會走去過五關斬六將，如果有個Game係用La La Land做故事背景，唔知會唔會吸引一大班粉絲呢？
Cinefix 最近就用咗La La Land故事做藍本，製作咗個街機遊戲出黎～一開始就係大家熟悉嘅PRESS START！背景就係La La Land嘅開場歌舞！
成個遊戲都係要你做選擇，決定主角嘅下一步！同以前嘅遊戲一模一樣！
第一個可以落手落腳玩嘅就係男主角喺餐廳彈自己嘅歌～彈啱音就可以攞到星星！
第二個遊戲就係男女主角相遇後跳第一隻舞～跟住指示跳就可以得分！
整個遊戲嘅角色都係依足演員去畫，你睇下幾似樣！
呢個遊戲係好似拍拍機咁，只要喪拍直到個能量bar去到最高就過關喇～
成個遊戲都依住La La Land故事發展去設計唔同關卡～
大家又知唔知點解有賽車？就係男主角要帶女主角趕返去L.A試鏡果幕呀！
不過話到明跟故事發展，所以最後佢地兩個都係變成最熟悉的陌生人:(
呢一幕就係打爆機嘅一幕。
係咪好想玩呢？不過呢個其實係Cinefix製作嘅短片，所以其實係無得玩架:(
| {youtube}acantJu35n4{/youtube} |
如果可以小編都好想做故事嘅幕後主腦，咁就可以比佢地兩個一齊喇！
圖片來源: Cinefix
撰文: Msrachel
