呢啲睇落咁靚、畫得咁精美嘅雕塑，其實係食得嘅手工翻糖蛋糕。27歲女生Jess以前做售貨員，喺YouTube睇到翻糖蛋糕嘅教學影片，發現自己對繪畫和烹飪有興趣，透過收工時間默默練習手藝，3年前全職經營Pandora Cake Shop，推出整蛋糕workshop和產品、蛋糕器具訂購服務，更喺2015年「伯明翰蛋糕嘉年華」奪得金獎同全場國際大獎。
每款蛋糕都要花差唔多10個鐘頭整，外型、著色、紋理都整得好細緻，好似真嘅卡通雕塑同玩具咁！Jess嘅手工仲獲得阿Sa同賭王四太等名人青睞！
Pandora Cake Shop依家推出整翻糖蛋糕Worshop，鍾意嘅朋友可以報名啦！
小編覺得雖然要成1800蚊，但課堂成10個鐘，真係學到唔少嘢！整到咁靚嘅蛋糕一定好有滿足感！
圖片/ Pandora Cake Shop Facebook
撰文/ 鋼牙真漢子
