「叮噹啊~誰都喜歡你~」只要你細個開過電視睇，呢句歌詞你一定識，仲可以唱晒成首出黎! 雖然作者藤子•F•不二雄已經逝世超過20年，不過作品嘅影響力仍然遍及全球!藤子•F•不二雄嘅太太喺丈夫逝世後，將丈夫生前嘅創作以及意念打造成「川崎市藤子.F.不二雄博物館」，令到世界各地嘅人都可以係博物館欣賞到經典作品以及唔少限定小劇場放映。除此之外，博物館嘅Café亦提供超精美嘅料理，而今年嘅甜品祭亦推出期間限定甜品以及商品!
▼ 超cute多啦a夢同多啦美嘅蛋糕卷，淡藍色同黃色嘅蛋糕卷再配上士多啤梨，神還原多啦a夢同多啦美啊!
▼ 多啦美嘅窩夫三文治，配搭窩夫、迷你雪糕以及士多啤梨，咁可愛嘅甜品點捨得食啊!
▼ 其實藤子•F•不二雄除咗創作咗多啦a夢之外，仲有小超人帕門同超能力魔美等等，而呢款甜品就係由三個迷你蛋糕同士多啤梨雪糕搭配而成嘅魔美甜品。
另外，博物館今年亦有限定商品推出，如果你係藤子•F•不二雄老師嘅忠粉一定唔可以錯過!
▼ 少女色系嘅菓子之家，入面就係心型朱古力壓成嘅小點心
▼ 其實嘅周邊商品亦相當少女風，柔和色調令人好想帶晒返屋企!
想去嘅朋友仔唔好再等喇，因為今次嘅限定食品同商品只係去到4月10日架咋，同埋參觀博物館係需要預約架，詳情就去官網睇下喇! http://fujiko-museum.com/
圖片來源：http://youpouch.com
撰文：陽光小毒毒
