如果你以為安全套只係得一種用途，咁你就大錯特錯喇！以下介紹嘅幾種新用途，絕對會顛覆你對安全套嘅想像！
首先，佢可以係香蕉保護套，咁樣套住隻蕉，就唔怕佢會放喺袋度壓爛，又唔使帶果啲勁嘥位嘅水果盒出街，真係既方便又快捷呀！
佢亦都可以係條臨時橡筋，臨時需要一條橡筋但附近又無文具舖，點算？唔緊要，攞出你地隨身備用嘅安全套啦！將個尾剪走3-5mm，沿住個尾捲上去，佢就搖身一變成為一條彈力超好嘅橡筋喇！
安全套除咗用黎做水彈之外，都可以用同樣方法將佢變成冷敷袋，只要將水注入安全套入面，紥實個袋口就搞掂喇～
佢仲係電話防水袋～去玩水上活動但又唔記得帶防水袋，呢個時候又係安全套大派用場嘅時候，仲保證將電話包得貼貼服服，完全唔怕入水啦！
可能呢個大家會比較驚訝，就係原來安全套上面嘅潤滑劑，可以用黎擦皮鞋！擦完啲皮會回復之前最光滑嘅時候呀～
如果手腳受傷，要沖涼但又要避免傷口入水，最好方法唔係包保鮮紙，因為佢會好易滲水同甩，但安全套只要剪走個尾，直接套上手腳，基於安全套本身嘅功用，可以話係完美咁防水防滲呀！
呢個小編比較唔buy，就係用黎做汽水蓋，咁就唔怕未飲完嘅汽水會入塵或者倒瀉喇～但係...安全套唔係有怪怪味道嘅咩...
去燒野食起唔到火嘅話，安全套又可以幫忙喇，因為原來安全套上面嘅潤滑劑係易燃架～生火，話咁易啦！
呢個真係最好笑，就係先吹漲個安全套，然後放入麵粉，再紥實個袋口，咁就變身成為你專屬嘅紓～壓～球！壓力大果陣記得攞黎揸幾下呀～
嗱～大家係咪又長知識呢？唔好再以為安全套得一種用法喇～
圖片來源: Brightside
撰文: Msrachel
