波音747由美國波音民航機集團製造，係全世界第一款生產出嘅廣體民航機，能夠載客、載貨，甚至用於軍事等其它用途，例如作為美國總統指揮專機及空軍司令部。
佢有「巨無霸客機」（Jumbo Jet）之稱，亦同時擁有「空中女王」的美譽，佢嘅載客量達到416人，而雙級艙設計嘅載客量更加高達524人。最特別一次係1991年嘅所羅門行動中，一架波音747破紀錄咁運送咗1087名乘客，足足係載客量嘅一倍呀！
機首一端的雙層設計，係其中一款世界上最易識別嘅飛機。
自1970年投入服務後，到2007年空中巴士A380投入服務之前，波音747保持全世界載客量最高嘅紀錄長達足足37年。
香港國泰航空最高峰嘅時候，機隊曾經有38架「空中女王」。不過隨住時代轉變，載客量高嘅波音747已經唔符合機隊需要，所以機隊最後一架波音747客機已經喺舊年十月退咗役喇。雖然波音747唔再用於載客，但國泰仍有廿幾架「空中女王」作貨運用途，飛去歐洲同埋北美等地方架～
