有冇諗過沙灘無曬沙，卻滿佈晶瑩剔透、五顏六色嘅玻璃石仔，係一件幾咁浪漫嘅事？呢一切並唔係夢幻，世界上真係有咁靚嘅地方！
第一個玻璃海灘喺俄羅斯烏蘇里灣，呢度幾十年前係玻璃樽、瓷器嘅傾倒站，周圍都係廢棄、破裂嘅啤酒、紅酒同伏特加酒樽。經過北太平洋波浪數十載嘅沖擊，酒樽轉化爲數以百萬計色彩繽紛嘅「鵝卵石」。每粒石仔都獨一無二，依家烏蘇里灣呢個玻璃海灘已經成為當地人嘅「打卡聖地」。
另一個玻璃海灘位於美國加州布拉格堡馬克卡瑞爾公園（MacKerricher State Park），1949年呢度同樣係堆填區，自1967年停用後，海水的沖擊、洗禮將玻璃變成一粒粒圓滑多彩嘅石頭。
睇到呢兩個地方，不禁驚嘆大自然的力量能「化腐朽為神器」，賜給人類好多動人嘅風景！
圖片/ Instagram
撰文/ 鋼牙真漢子
