內向同怕醜聽落好似無咩分別，都好似係形容啲人唔出聲，又收收埋埋唔係好同人交流咁，但以下七張圖，就好清楚咁教你點樣分呢兩類人呀～
#1 內向嘅人如果經過長時間同人交流，佢嘅身心都會非常疲勞；而怕醜嘅人如果要同人交流係會感到焦慮架！
#2 內向嘅人會獨處，因為佢地嘅私人時間就係佢地叉電嘅時間；但怕醜嘅人其實唔享受獨處，但因為對於同人交流有恐懼所以先摺埋自己。
#3 內向嘅人平時人多嘅時候會好靜，但當佢同圍內幾個朋友一齊嘅時候係可以好多野講好多意見；怕醜嘅人腦入面其實有好多諗法，但佢地多數都唔會講出黎。
#4 內向嘅人可以同其他人講得好深入，亦都唔介意有Deep Chat；但係怕醜嘅人對大部份人都唔會用把口去講出自己嘅感受。
#5 內向嘅人其實都有能力做主動去展開一段對話，只係佢地好少做呢個人；而怕醜嘅人會比較傾向由其他人去做主動，自己就係被動果個。
#6 內向嘅人之所以會比人覺得佢地怕醜係因為通常佢地面上都唔會有太多表情；但真正怕醜嘅人喺唔熟悉嘅環境入面，身體會有唔舒服嘅反應。
#7 必要時，內向嘅人其實可以喺人群前自信咁發言；但怕醜嘅人會非常緊張，甚至滿頭大汗。
唔知大家又分唔分到你地身邊嘅朋友入面，邊個係內向，邊個係怕醜呢？
圖片來源: Lifehack
撰文: Msrachel
